آخر وطن: ولا يغيب!
نشر
في 12-03-2010
آخر
تحديث 12-03-2010 | 00:00
ولا يغيب... إلا القريب!ولا يصيب... إلا اللي ليته... ما رمى! وما ينْبِتِك... جرح ابظما... إلا اللي في فصل الجفاف يظلل إيديك... غيم وسما! ولا يدلّك العمى غير من طريقك... والقدم وما تنفتح... أبد درايش الألم غير من ضمادك الوهم! وما ينطفي... إلا اللي كان... ليلك بوجهه مكتفي وما يختفي... غير نجمتين عيون الحبيب... اللي يغيب! آه يا الحبيب لو ما بقى... إلا ظلال يومك ولو ما تركت بين الحكي... إلا دفا عْلومك لو يا الحبيب... غبّيت تحت وسادتي... صوتك حنانك طيبتك وسمّيتَها... رْسُومك! آه يا الحبيب... ليلة سريت... لو مانسيت... على مداخل الظلام إلا مواعيدك نهار واهديتني نْجومك... ما يعاتبك فيني العتب أو حتى بيلومك! ليلة سريت... كم حاوَلَت عيني... عَبَث تقفل عليك أبوابها وكم حَاوَلَت... يظما الوداع وتشرب حنان أحبابها وكم حاوَلَت... تمسك بقايا صورتك بأهدابها... وعتابها... وعذابها وليلتها إنتْ... كنت تفتح أبواب الرحيل هدَب... هدَب... ورحت وتركت... لعيوني... سود ثْيابها ولا انذبح... إلا حبيب ولا جَرَح... إلا اللي ليته... ما يغيب!
