شعبي ليلة جنون !
نشر
في 03-06-2009
آخر
تحديث 03-06-2009 | 00:00
16 عامْ ساكنْ بين رمشْ وعيونْ الحنايا فراشك والمودّه غطاك إن شكيت المضرّه قلبها صار كون كونْ كلّه شراسه .. قرّبك واحتواك وإن دخلت المسرّه فاض نهرٍ حنون جنّه الكون واقفْ.. بس ينطر رضاك شفت أنا اليوم حيره بين هذي الجفون لو تكابر انا ادري إنت كلّك .. هلاك يا وحيد المشاعر وين تشكي الشجون والبحر ليلْ صامتْ وين يفهم لغاك ؟! وحْش ساكنْ ضلوعك بس يخفي الطعون نزِّل الدمع يمكن لا ذكرْته .. نساك ليلتك هذي ليله .. من ليالي الجنون تلْتِفت ما تلاقي .. إلاّ قلبك .. معاك ! باردْ فراش ليلك .. والغُرَف في سكون وصالتك قبر واسعْ .. للهواجس خذاك تنكسر في جدارك كل ذيك الظنون ومن حسَبْته اسنادك .. وقت حزنك .. جفاك ليلتك هذي ليله .. آخرتها إشْـ تكون : ساهرْ الليل كلّه .. وقلبي عندك .. هناك
