قهوه وسَط ويّا الزقاره يـ ممدوح بـ أقرا على هـ «النت» أخبار داري داري ولا داري أنا وين بتروح حتى أنا .. مدري أنا .. عن مَداري! هذي أخباري.. ثابته.. نقْشْ في لوح إن كان تسأل أو تهمّك أخباري زهرة نفَل كانت على ايامنا تفوح ماتت عطشْ.. لا غيمْ لا ماي جاري وعصفورْ من زود القهر طاح مذبوح عقب الغنا من فوق عالي الصواري وين الفرح والهم كالجرح مفتوح ومْجابلين «النت» صبحْ وعصاري؟! بسْنا سياسه وغمْ.. خَل تفرح الروح وخلْنا ولو يومين نشبه «مكاري»
أخر كلام
شعبي يوم بلا سياسة
02-11-2009