لحظة ما سكنتيني... ما كانت رمل وترابكانت لي...فرَح أعشاب.لحظة ما سكنتيني...ما كانت خيال عْيونكانت لي...نظَر واهدابكانت عالمي المسحوروعصافيروغناوي ونورواحلام وفرَح وابواب!كانت عمري الباقيوكانت كل شيّ أبيض...في أوراقيوكل شيّ غيرها... كذاب!ما أنساها ذيك اللحظه لو تنسين!كنّا اثنين...وكان الليل ثالثناوكنّا نمشّط «زلوفه»...تكلّمنا...وكل واحد... قال للثاني ظْروفهكنّا نحس فرَح أطفالفي ثوب الوقت... ونشوفه!مشاعرنا... شي غامضما كانت مشاعرنا هذيك اللحظه...معروفه!بعد شْوي...فاجأتك أنا بسؤال:«قلبك خالي... أو مشغول؟!»من ايدينك طاح المشطوطاح بحضني شَعْر الليلوتسنّدتي على «الطوفه»!ما أنسى هذيك اللحظه... لو تنسين!كل شي كان فيها غيرحسّينا...إن قْلوبنا فيها... غيم واجد...وقصايد حبوموسيقىوفرحة طير!وحسّينا...إن حنّا... أجمل ناس فالدنياوإن الدنيا...ليما الحين... فيها الخير!ذيك اللحظه... كانت غيركلْ شيّ فيها... مو عادي:عواطفنا...سوالفنا...لون الوقت...وحتى الصمتحسّينا نعَرْفِه زين... ويعْرِفناكان يقول مواويلهويرقص في شفايفنا!كلْ شيّ كان... مو عاديكنّا بصيف غير كل صيفكان احبيّب... وهادي!وهوّْ اللي...كان بالنسيم بادي!ما أنسى هذيك اللحظه... لو تنسينوجايه الحينتبيني إني أنساها؟!لا تكمّلين...لا تكمّلين!لحظة ما سكنتيني...مهي لحظه اسْكنَت عيني...هذيك اللحظه:هيّ العين!
توابل
آخر وطن لحظة عين!
21-08-2009