آخر وطن: محطة
نشر
في 30-10-2009
آخر
تحديث 30-10-2009 | 00:00
مثل ما كان غيرك يروحرحتي خلاص واللي بقى منك جسَد من غير روح وهذا أنا قلبي مثل محطه... في وسط الطريق في حزنها عيّت تبوح الناس تُمرّ تقعد شوي تقعد كثير بس بالأخير تمشي ولا تترك أثر على كراسيها سوى باقي غبار الذكريات وورد الجروح وكاسات الشاي الفارغه وبعض الصحف وبعض السوالف اللي خلوها... أكيد... عن طيب قصد للي يجون من بعدهم عشان تكون لهم غبوق ولاّ صبوح! كل اللي مَرّ قبلك يُمرّ عابر سبيل يروي ظماه وياخذ من الوقت النصيب لين ما تطيب أقدامه من كل القروح بعدين يروح وانتي مثل كل اللي جَوْ قبلك... تبين ... بس بعض وقت... وترحلين بتاخذين بعض النّفَس وبتتركين على الكراسي الصامته صوت الحنين بعدك ينوح واضح ترى كل الوضوح اللي بقى منك جسَد من غير روح!
