آخر وطن: عاري الكلام
نشر
في 08-04-2011
آخر
تحديث 08-04-2011 | 00:00
لبّسيه اللي تَبين من الهدومغضَب...! عتَب...! او حتى لُوْم... عاري الكلام اللي بقول لاتتركينه... لبّسيه اللي تبين! جمرات بوح... ولا جروح... ولا اصابع زاوجت بين البياض بدفتري... وبين الهموم سمّيه دفا... سمّيه جفا... تشكيل في لون النهايات... ورسوم! عاري الكلام... اللي بقول لبّسيه اللي تبين... من الهدوم بَنْزف حكي... اليوم... إلى آخر ضوا في بحّتي وقيض... وسموم أبْنزف الليله مسا... مسا كثير... ليما أشوف عروقي برق وبصوتي شمس وكل الدرايش الخضرا أضمّدها... وأقوم... دام احْنا عرّينا الكلام... لك بعترف إنّي بعد كل ها السفر... اللي مشيته بيننا أنا اعترف... إني مهزوم! عجزت اصير في صبحك المظلم... قمر! ولا قدرتي تشْعلين في سكّة الخطوه نجوم! ظنونك السودا... سما ما طمّنَت فيني الحمام عاشق سلام أنا كنت أصيح: «عاشق سلام»! وكانت سماك تمطر عليّ سود الظنون في كل يوم أنا اعترف... إني مْهزوم ! في داخلك... تمشي قبايل من عطش وأنا لقيت... في داخلي... بير مْهدوم! واليوم بس... اليوم عرفت... اني مهزوم عاري الكلام... ولبّسيه اللي تبين... اللي تبين من الهدوم.
