درايش ليش يا بو حمود؟!

أنا مالي أبد شرهه على اللي يستلم چيكات

«عضو» يقبض من «الريّس» وينكر كلّ چيكاته!

عذر أقبح من ذنوبه... يروح ويستلم بسكات

وعقب ما حطّوا المصحف... تعذّر في مبرّاته

يـ كور مخلْبص وتشبه بلدنا اللي زمانه فات

زمن تافه تصير اليوم واحد من رجالاته

أنا أشْره على مسلّم يساير أبسط الموجات

منو القائد؟! جماهير العضو أو فكره و ذاته؟!

إذا الموضوع يستاهل ترانا كلّنا ساحات

ولا يزايد أحد توّه تسيّس في «تويتراته»!

ونا ضد الرئيس آقول... قبل مـ تسيئ بي نيّات

أنا رافض سياساته ولا أقبل قراراته

ولكن بالجدر هذا «إلْحَمة ضب» وبعض شبهات

ولا نمشي بمسير الليل إذا ما شفنا وجهاته