كلمة راس: الإشاعة

الاشاعه

أخطر أنواع الصناعه

وأرخص أنواع البضاعه

***

الاشاعه

تبدأ مرات بعباره

واحد يسمعها ويزيد

ثاني يلقطها ويعيد

ليما تصبح لك قضيه

والحريجه تبتدي

باصغر شراره

ولا وصل الفاس راسك

ما تعرف أبداً خلاصك

***

الاشاعة...

فرقت شمل الجماعه

واهدرت دم البريء

ممكن تهد الحكومه

وممكن تحاصر بلد

دير بالك يا ولد

قبل ما تنقل كلام

افحصه في عقل راسك

واحسبه واضبط قياسك

ما يصير تقول كل شي تسمعه

اطرحه براسك

وثم رد واجمعه

مو مهم تكون ضده

أو معه

المهم يكون له مصدر

حقيقي