العرب قالت من أول

Ad

لا سمن كلبك

كلاك

لا يغرك

لا مشى دايم وراك

ولا تصدق

لا حلف لك عن غلاك

***

ومن زرع له ورد

في أرض الصبخ

لو سقاه بماي عينه

ما طلع

ومن طبع

وده كل الناس تطبع

من وراه

آه... يا دار الغلا

وألفين آه

كم واحد طيب النيات

تاه

***

والثقة في غير صاحبها

غباء

والولاء

عهد وميثاق ووفاء

آه يا دار الغلا

وألفين آه

لا يغرك دمعة العينين

أو ضحك الشفاه

كوني دايم بانتباه

واحذري اللي تحسبينه

فوق إية إشتباه

واستفيدي من تجارب الأولين

والعواقب خيرها للمتقين
شريدة المعوشرجي