بعد كل السنين اللي مضت ويّاك...عرفت الآنإني كنت معاك غلطان!كنت ويّاك... بسّ إنسانكان لازم...أصير أكثرعشان أوصل ذهب روحكويكثَر في يدي المرجانويسكن قلبي اللولووتحْملني النوارسعن شواطي الملح...على الجنحانوينْبت في ثراي نجوموتصَبّح علي الشمسفي كل يومويتسرَّب...قمر حبكعلى كل الدرايش... نورويتناسل...على البيبان!كان لازم... أصير ويّاكأكثر من فقط... إنسانكان لازم أصير ميناأو حتى فنَريضْوي الظلامويرشد السفّان!كان لازم... أصير ويّاكقمر مجنونونهر يمشي بدون عيونوسحاب ما يخونعلى طول المواسمينْرسم هتّان!كان لازم...أصير كلّي...قصيده مالها آخرتشكّل أمسك... ويومكوتشكّل نهار باكرتمطر لو يجفّ غيمكوتمسكها مظلّهبْيومك الماطرلو سقف الحبايب خانقصيدة حب ما تشبهأبدكل القصيدومالها عنوان!كان لازم أصير...نخلهأصير شارعأصير أغاني وحشيةتتمرّد على الألحانأصير الحلم بعيونكوأصير بقلبك الأشجانوأصير الضيوأصير الفيعشان استاهلك لازمأصير كل شي!أبد ما كان...يكفي في هواك إنيأكون ويّاك...بس إنسان!سامحني ذهب عمريجهلتك...والجهل... شيطان!
توابل - ثقافات
آخر وطن كنت غلطان!
20-05-2011