يا حبيبي... قصدي يا من كنت في أمسي حبيبي يا نصيب. مو نصيبي... بس أحس إنّك نصيبي وكنت أحس- ما زلت أحس- الدنيا حلوه لنّي مؤمن في الإراده... ولا أؤمن بالنصيب! وكنت أحس تدور أيام وليالي ويأسنا هذا - على الله - باجر بلحظه يخيب. كنت أظن صوتك وصوتي في المحبّه لازم يلاقي مجيب. ما لقينا يا حبيبي ومنهو محتاج لصديق بليله قمرا ومنهو يحتاج لبقايا جرح ناشفْ... أي طبيب؟! لو ألمّك في ضلوعي لو تشم عطري وطيبي تستمع شهقات قلبي أو نحيبي تعرف إنّك لي قريب. تشوف نفسك في الحنايا وجهك بكل الزوايا مثل شمسك في المرايا ما تغيب. تبقى إنته في خفوقي دم يسري في عروقي وتعرف إني غيرك انته مالي في الدنيا حبيب. يا حبيبي . ياللي في أمسي ويومي ياللي في يومي وباجر... لي حبيب.
أخر كلام
شعبي ماكو شي اسمه نصيب
29-10-2010