كلمة راس: حوار القوافي

ما كل ما يطري على البال ينقال

ولا كل ما يُروى حكايه صحيحه

والحق يظهر لو بعد عدة أجيال

وتشفى القلوب المخلصه والجريحه

ياللي تشب النار في كل مدهال

احذر يصيبك من سواتك فضيحه

يا الله وأنا طَالِبكْ يا عالم الحال

لا يقرب الكبريت يم الصفيحه

صدق حكيمٍ قال في عرض الأمثال

مِنْ شَيَّنْ النيّه قريبٍ مطيحه

مفلح عبدالله الطواري

ويا الله تكفينا ضرر كل محتال

يظهر لنا الضحكه ويخفي فحيحه

يقلب مع الأيام في عدة أشكال

ومواقفه أبداً فلا هي صريحه

معاك لا خفّت على الناس الاحمال

ويروغ منّك لا سمع أي صيحه

الله فرق ما بين رجال ورجال

رجلٍ أسد ضرغام ورجلٍ نطيحه

الناس مالت لكن الوقت ما مال

وقلت رجالٍ تستمع للنصيحه

شريدة المعوشرجي