كلمة راس: حوار القوافي

يا سلامي على شاعر حوار القوافي

عـد وبـلٍ تـهـلـّه مـزنـةٍ عـقـربـيـه

يا شريده كسبت النعم والفعل وافي

اشهد إنك من الوالد حفظت الوصيه

شاعرٍ ما يحط الوقت فيه اختلافي

لـه بـيـوتٍ سـمـان وله معاني قويه

دايم الله يعين أهل القلوب النظافي

لا مشوا في الصحيح ويسروا كل نيه

مسفر عبدالله الفهادي

اسفر الشعر يا مسفر وجا منك صافي

يا جميل المعاني ويا ثمين الهديه

الشعر من كريم النفس ياتيك ضافي

من جمال الصياغه كـن الحروف حـيه

ممتنع مع سهوله واضح القصد كافي

يا عسى من كتب سطره حياته هنيه

لك سلام وتحيه صحتين وعوافي

والـفـضل بـالـتحيه للي يبدي الـتـحيه

شـريده المعـوشـرجي