درايش حضنچ يرد الروح
نشر
في 13-05-2011
آخر
تحديث 13-05-2011 | 00:00
إذا هدْها التعب كلّش وزهقانه من الدنيا وملَّت من نهارات البشر... هـ الروح ما تدري لـ وين تروح! ترد تسحب خطاويها غصب عنْها تبي حضنچ دفا حضنچ وتِتْحوَّل غصن يابس على سدره ومن السدره الخضار يفوح. يـ سدره... والعشق أخضر مثل قلبچ ولا يشره ولا يعتب. ترى بعض العتب أشوا من النظرات ترى هذي العيون الغافره ذنبي... تعذّبني بلمعات الحزن تجرح... وتذبحني.ترى السكين... في صمت الحبيب الساكت المسكين مو في البوح! ونا وروحي إذا تاهت مجرّاتي وطوَّل ليل مأساتي أرد يمّك لأني عارف وداري دفا حضنج... يرد الروح.
