شعبي ولو غاب الجسد عنّك ترى الذكرى بقايا روح
نشر
في 30-08-2010
آخر
تحديث 30-08-2010 | 00:00
تجي وتروح...ولا تدري شكثر قربك يرد الروح! تخلّي لي صدى من صوتك الدافي ونا بقلبي وتَر في غيبتك مبحوح ونا بروحي... بمسافاتي... انكساراتي أجي وآروح أرد أسمع سوالفنا من الأول وطيفك عندي يتْجوّل وأتمّم سالفه من الخوف ما تمّت واقول الغالي مو غايب ترَك لي الروح... ولو غاب الجسد... مسموح. وهذي هيّه عاداتي، ومن أقدم هواياتي: إذا غابوا الأحبّه بليل أسترجع سوالفهم ووَلِّم طاولة ذكرى وأضوِّي قلوب شمعاتي... وأَلِمّ جروح!
