يا علي الصوت بالصوت الرفيع

يا علي الصوَّت بالصوت الرفيع

يا علي صوَّت بالصوت الرفيع يا حكومة·· لو {تذبين القناع} (*)! وتكشفين الوجه جدّام الجميع دام سرج انكشف كله وذاع قولي إنج غارقه ببحرٍ وسيع مـ أنتِ قَدّ الريح لا هز الشراع {تشترين الصوت} من شخصٍٍ وضيع ضيّع الدستور {صندوقج}·· وضاع لو تزخرفتِ لنا بثوبٍ بديع العمل نفس العمل·· غش وخداع راح {ذاك}.. ومـ اهتنينا في ربيع واللي {جانا}·· ضيّق آمالٍ وساع ضايعين وعارفين إنّا نضيع وشنهو أكثر من بعد هذا الضياع؟! يا علي وين السنع؟! منهو يبيع؟! مير ما أظن السنع يشرى ويباع البلادين ابتنت سدٍّ منيع هيه ياللي تندب {العرش المضاع} ما يفيدك ماضيٍّ ولى سريع من يرد الروح في لحظة وداع؟!