كلمة راس: جلسة بوكسات

التفاهه والسفاهه

اقصر دروب البغيضه

آه يالنفس المريضه

ما تعرفين الصلاح

وما تريدين الفلاح

وابغض الحالات عندك

لما غيرك

مره يحقق نجاح

******

جلسة المجلس

لاجل خدمة شعبنا

من سوالفكم شبعنا

انتو ادري ما تعبتوا

بس ترى احنا تعبنا

كبروكم

شبعوكم

وانفخوكم

ما تصورناها ابد

توصل لضرب النعل

والجواتي والتفل

والخواتم والعقل

والامر كله سهل

لو ترفعنا شويه

ومره حكمنا العقل