درايش: بيان شيوخ القبائل (مدنية أم قبلية؟!)

البيان اللي انِّشَر وسْط الجرايد

ماله أي معنى أبَد هذا البيان

نبِّهي "شيخ القبيله" يا قصايد

إنَّ ذاك الوقت ولّى من زمان

"مدنيّه" والهدف قانون سايد

مو مضيف "الشيخ" يعطينا الأمان!

هذي "رِدّه" تسْتِغِل ماضي العوايد

في زمن فيه الفجر والنور بان

مو محبّه في قبايل أو بدايد

هي "سياسه" و"مصلحه" وقت الأوان

يطلبونك يا قبيله في الشدايد

والرخا وقت الرخا ما لك مكان

شَب عن طوقك ولَد فَك الحدايد

عاشق "الساحات" ما يرضى الهوان

البلد أُمّه... وشاف الحِمْل چايد

يحْترِمكم... بس تبرّا من "البيان"