درايش : 
حجة...

ما نبيك «اتْحِج» فينا

وإلاّ تتفضّل علينا

من شروط اللي «يحَجِّج»

ذمتـه لازم أمــــي!

دولتك في بطن دوله

بس ترى ماهي مطَوْله

لـ «الغضب» يا شيخ جوله

تكشف اللي جاهلينه

ماكو معنى لـ «الإحاله»

غير «تفريغ» العداله

اوصَلَت هذي الرساله

واللي قبلك فاهمينه

كنت من أهل «الوثيقه»!

والعلاقه مو وثيقه!

يعني بس كانت طريقه

وصيد أي فرصه ثمينه!

شفت أمس شلون صارت؟!

ولعبة «الأقطاب»... دارت

وسلّة «الأصوات»... طارت

من يمينك... لـ يمينه؟!

سلّتين... وبيض فاسد

إنشروا فينا المفاسد

فرّحوا شامت وحاسد

والبلد اللّه يعينه

بين «أقطابچ» يـ أسره

ضعنا في حيره وحسره

حلم أبيض... من يفَسْره:

بحر غارق في سفينه!!

البحر: مسكين... شعبچ

والسفينه: هيَ رُعبچ

وقّفيهم... هدّي لعبچ

خلّي تهدا هـ السفينه.