درايش: تستاهلون... خل يسرق التاريخ!

شرى «إعلام» في سوق الضماير

وصارت... كل حكومه له حليفه

شرى «نوّاب» في بعض الدواير

ذممهم في البلد ما هي نظيفه

شرى «أحزاب» ما شافت كباير

ولا تحشم لحاياها الكثيفه!

شرى «كتّاب» من تافه وباير

محامي شاف في «الكتْبه» وظيفه!

شرى أو باع يبقى الجرح غاير

ولا ننسى فعايل له كسيفه

غزانا... و»الغزو» يومين صاير

وحمَّل في مراكب مو خفيفه

يرد اليوم ويغيّر مصاير

يبي تاريخنا يُطوى بصحيفه

ألومه إن طغى أو صار جاير؟!

رجل شايف عزايمنا ضعيفه؟!!

ولاكو في البلد أي دم فاير

يبي يورّث لنا لباجر... خليفه!