درايش : أول نسايم برد

أحب أول نسايم برد

لا مرّت على الديره.

أحب البرد...

من باب الملل والوحْده والحيره.

أحب لسْع الجمر أول صباح البرد.

واصابع صبْح

من لفْح الهوا صارت قوالب ثلج

وأنْفَخ... تنْقلب كفّي:

مثل لون الخجل والشك والغيره.

أحب قطرة ندى فوق الزجاج تسيل

ندى عادي، وقطره تسيل

ولكن شُوف

لَوين بدمعته يوصل

تأمّل... حِس... تعبيره.

وأحب توصل لـ روضتها

ومع "شيخه" تمر غيوم

أحب آشوف

بردان الغصن... في الورده لصغيره.

فصول تمر...

تاكل مننا الأيام

تخْصم من عمُرْنا سنين

مو دارين...

أو دارين!

ولا ودْنا أبد ندري...

ولا نفتح لها سيره!

ترى احلى شي:

إحساسك تجاه اللي تحبّه صج

-رغم كل الوفا- إنّك

تحب شوي... تغييره!!