من بقى فينا طبيعي

Ad

ونيته مثل اللبن

الله يرحم يا رفيجي

أهلنا ... وذاك الزمن

كل شي فينا تغير

ما بقى غير الشكل

حتى أصناف الاكل

أصبحت موضه قديمه

والنفوس اللي كريمه

وما تعرف إلا الشرف

أصبحت تشرى وتباع

من أجل حفنة ترف

***

الذمم صارت وسيعه

والترشح للنيابه

والبلاغه والخطابه

كلها صارت ذريعه

وكلها صارت عباره

عن طرق جداً سريعه

للتجاره والغنى

***

والوطن الله يعينه

دمعته دايم في عينه

خاب ظنه في عياله

يوم جاهم واختبرهم

عرف إنهم بايعينه
شريدة المعوشرجي