درايش: لا تنحني للريح

يـ وْليد بسّك حذر خلْنا نشق الليل

بخيول هدْها التعب مشتاقه حضن سهيل

اقطعْ حبال الرسن، ارحمْ صهيل الخيل

اكسرْ ضلوع الصدر تلقى الفرح مكبوت

كذاب راعي المثَلْ قال انحنوا للريح··

وإلاّ ترى ينْكسر غصن الشجر ويطيح

ويصيح فيني: انتبه! واقول: ليش تصيح؟!

إمّا نصدّ الهوا·· وإلاّ بعز نموت

الخوف حوتْ انْزرع بعيون بحّاره

يقطع وراهم - وَهَمْ - غبّات غدّاره

لو واجهوا خوفُهُمْ لو حلّوا أسراره

جان اصبحوا كالنبي إللي نجا من الحوت