درايش: تمثال عبدالله السالم
![وضّاح](https://www.aljarida.com/uploads/authors/867_1669035166.jpg)
إسنين مرّت ما محَتْ ذكرك اسنين حافِظ لنا التاريخ سيرة حياتك تسقي الورود اليابسه في الشرايين ما مِتّ ... لو غاب الجسد في مماتك تحيي الأمل فينا وحنّا بعيدين وانت البعيد ... وهذي أعظم سماتك يموت من لا حاز في العمر ثنتين : المجد ، والشعْب الذي حَب ذاتك مفروض ننصب هامتك في الميادين ووقت الشدايد نستظل في عباتك غرست دستورْ وأمل للمساكين وذاك الزمن .. منهو يسوي سواتك ! يا نور يا قنديل يا عزم يا لين يللي ولَيت وصار شعْبك ولاتك لا يا ذهب نادرْ ومخلوق من طين حاشى الغبار يمس فينا غلاتك بس "الربع" حذرين (ما هُم بـ ناسين) كل خوفهم ... فينا تعمّم صفاتك !!