درايش: المزاج

شـ السواد اللي تنزّل على عرشٍ وتاج؟!

شـ البياض اللي تجوَّل في زوايا مظلمه؟!

شـ المهابه على صقرين من مرمر وعاج؟!

شـ الظنون اللي تكفِّر كل نيّه مسلمه؟!

چِن في صدره عتابٍ وإلاّ صرخات احتجاج

وإلاّ شوقٍ تعلّى فوووق... عيّا يكتمه!

النحر يشكر سواد الثوب... معطيه انفراج

فرحة الشوف لا ردّت على عيون العمى

والنجوم اللي حوالينه تناثر كالزجاج

مثل شرهاتك على ربعٍ اهُم فيك اغْشِمه

يرحم الله من جابك أيا طلْق الحجاج

من رماه الحظ في ادينك... تلطّف واظْلُمه!

الفقير اللي يبَس غصنه ولا شاف ابتهاج

منهو اللي سقاه من السحايب... وألهمه؟!

المزاج؟! اللللله لا يقطع مراسيل المزاج

لوَّن الحلم في قلبي... تعنّى... وارْسِمه

وراحت نياق صبري تدافَع بالفجاج

مالها كود الخساير والدروب المعتمه

إن بغيت الدرب الأول... رِسَم فيه اعوجاج

وإن نويت أرجع... تراوالي شْراك ابْمبسِمه

واهمه يا نوق قلبي ترى الصافي هماج

إنفضي حِمْل الأماني... فلا حولك سما

وإن بنيتِ لج وَهَم... وهْمين... في كف العجاج

الوهَم لا بانت شموسه... يموت من الظما!!