درايش : قصّة قصيرة (الربيع الكويتي)

الحسره... مثل البمبره

والفكره... مخلب طير.

والقصّه جداً رائعه

ما تحتمل تأخير:

شاب... ونوى يكتب قصص

غير الفصول اللي مضَت عن ديرته  

فيها معاني غير  

غير «التراث» اللي بلى

غير البلا

فيها غضب

فيها قهر

ما تعترف في أي أحَد

عنوانها «التغيير».

أول إشارات الندى

في طلْعة النوّير.  

هذا «الربيع» اللي يمر

هذا «الحراك» اللي يسر

يشرح صدر

ما تفهمونه لأنكم

انتم عمر واهوَ بـ عمر

ما عندكم تفسير!  

والعلّه: في قارئ قرا

و مهما قرا...

ما يحسن التقدير.