{الزوجة الثانية}... ردود فعل متناقضة

لم يسلم مسلسل «الزوجة الثانية» من الانتقادات الحادة والسخرية التي طاولت مشاهد عدة في الحلقات التي عرضت لغاية الآن وفريق العمل.

كتبت سلمى موسى: «الله يرحمك يا سعاد يا حسني لو عرفت أنو واحدة اسمها آيتن هتعمل دورك في «الزوجة التانية» كنت قتلتِ شكري سرحان وانتحرت ومقدمتيش الفيلم»، نفس الكلام أكده تعليق آخر: «إيه اللي جاب آيتن عامر لسعاد حسني ... حرام اللي عملوا فينا المخرج والمنتج ده»، بينما دافع شوقي خطاب عن المسلسل: «ممتع جداً والحلقات الأولى حزينة جداً بس حلوة شكله مسلسل جامد».

وفي تعليق ساخر كتب مصطفى: «أداء آيتن عامر هو نفسه في الزوجة الرابعة، يا ترى هتقول للعمدة برضه ما أحبوش»، فيما كتب آخر: «بعد 10 حلقات ولسه في أول الفيلم وفاطمة ما أتزوجتش العمدة، ولا حصل أي حاجة طب قولتوا ليه بقى إن التفاصيل مختلفة عن الفيلم واضطرينا نتابع ونشوف؟!»

وكتبت مي: «عمرو عبدالجليل بيحاول يبقى مضحك في الزوجة الثانية بس جعله غباؤه «أوفر» قوي، عمره ما هيبقي ممثل شاطر ده يقعد في البيت أحسن»، فيما كتب عمرو: «هو عمرو واكد فاكر نفسه ممثل عالمي وعامل الدور بالشكل المقزز ده، أي ممثل محترم كان لازم يسيب المسلسل بعد قرايته مش يستنى لما يخلص تصوير».

 وأشادت سمر بدور عمرو واكد: «مسلسل الزوجة الثانية رائع ودورك جميل وتمثيلك محترف وإن شاء الله أكثر نجاح»، فيما كتبت سوزي: «عمرو واكد بيمثل نفس دور شكري سرحان... إحنا في زمن المسخ».