درايش: لا تخذلني

صار لك جَم يوم... دقّاتك غريبه!

منْقبض من هَم؟ وإلاّ طيفْ... زار؟

لَنْت حامل شوقْ أو فاقدْ حبيبه

ولَنْت خايف من زمن... جَم فيك دار

ما هو طبعك... هذي خفْقاتك عجيبه!

كَفْخ جنحان الحمام... إليا اسْتذار

يا قفص صدري وخابر فيك طِيبه

فِج بيبان الصدر... من طار... طار

لا يزيد النبض في وقت المصيبه

ولا تبالغ في فرَح... زارك نهار

كل ظامي... خَل يارد من جليبه

لا نْته امْكلَّف ولا حارس ديار

كل شرايين البلد صارت رحيبه

وانت في ضيقه... ودقّاتك انذار!