درايش : جرح الحسا..

لا يصيبج هَم يا أرض الحسا

كل جرحٍ ياخذ أيام ويُزُول

حتى لو دار الهوا لحظه وقسا

انتِ جُمّار الهوى بكلّ الفصول

لا اطْرُفَت عينج هبايب من أسى

إدْمَعَت عين المحبه في ذهول

ولا انْكِسَر غصنٍ على ضلعج رسا

في الصدر صارت حمايمنا تجول

***

ويا نخل عالي على أطراف المسا

لا وَهَن جذعك ولا حاشك ذبول

صاعد العالي... السحايب تحرسه

في السما، وفكر التخلّف في نزول

كل خفافيش الغدر ما تلمسه

منهو يوصل قامته وإلاّ يطول؟!

لك مُحبٍ ما محا الود ونسى

ووسْط قلبه شمس... ما تنوي الأفول