درايش: في ظلام الليل

إلى الكاتبة السعودية كوثر الأربش أم الشاب الذي ضحّى بروحه لإنقاذ أرواح المصلّين، وإلى ضحايا التفجير الإرهابي في الدمام. 

 

لا حجي ينفع ولا معنى القصايد

في ظلام الليل كل معنى يذوب

سال نهْر الدم بأوراق الجرايد

من شمالك يا وطن حتى الجنوب

اشـ يشيل الهم؟! هذا الهم جايد

يا حزن محتاج لك درزن قلوب

زارني هـ الطيف من منفاه عايد

وكن شمسه واقفه بلحظة غروب

لبَّس الكوثر خفيفات القلايد

عقْد لولو والفخر منسوج ثوب

فيه طبْع الجود من صغره عوايد

حتى في هالروح ما خيَّط جيوب!

واصلي الخطوات ما بين المصايد

لك وصيّه، وواصلي ذيك الدروب

التعصّب في الفكر... سجن وحدايد

والسجين اعتاد مو ناوي الهروب

والفتاوي قاز من فوق الوقايد

أخطر أنواع القنابل في الشعوب

دورة المفتاح معناها الجدايد

والصدأ في الباب معناه النضوب

وكان ما هزَّت تخلّفنا الشدايد

هذي الأوطان ياخذها الهبوب!