درايش : زهاب المغترب

خِذ لك قبل مـ تروح يا صاح تذكار

خلّه زهاب المغترب عن دياره

جرحين: واحدْ في حناياك منشار

وجرحٍ مثل وسمْ انطبع في جداره

خصوصْ من سمّيت "وافين الاشبار"

وخصوص من علّيت حُبّه مناره

هذا ولا عدّيت... في الدفتر كثار

نقّيت لك... أكثر جروحك غزاره

يمكن إذا حنّيت أو صار ما صار

وأونسْت في برد النسايم... حراره

وقلّبت صفحاتك على كل الأفكار

وحسّيت روحك في الجسد... مستعاره!

تدرك بأن الناس كالغيم تندار

وإن صادف الغربي يزيد انهماره

وحنّا بـ هالدنيا مثل جارْ للجار

وقليلْ منهو حافظٍ وِد جاره!