درايش : ياتيك...

لا صار يدْبي كل يومٍ لك أشبار

وتشوف فعْله بالرفاقا حواليك

ما ينفعك لو تضرب الباب مسمار

إليا نوى ياتيك... لابد ياتيك

إعلم ترى هو بأبلج النور غدّار

لا خايفن منّك ولا هو مداريك

أحدن طفى نوره قبل دور الأقمار

ما أمْهلك قولة " سلامات وشـ فيك؟!"

وأحدن مثل خطْف النظر وأعمى الأبصار

خوّن ولا ناداك أو انتخى فيك

وأحدن تحبّه حُب نسّاك الأعمار

عودن... ولا فكّرت يومٍ يخليك

مفجوع تركض، ضاقت الأرض والدار

والمشكله تجهل ملامح معاديك!

***

هذي خريطه أتْعَبَت عين بصّار

لا ينشغل بالك تراها شرابيك