درايش : وثائق بنما

الحمدلله... لا إسمك ولا إسمي

جا في الوثايق ولا انكشْفَت بلاوينا  

والله ونجينا ووسمك غامض ووسمي

امْشفّره النوق هجّت عند راعينا

لك من غدير الوهَم قسمك ولي قسمي

متشاركينن سوا... "نهيجن" قوافينا

من كان ما له مراكب ردَّها الوسمي  

وش له مع الناس ويزاحم على المينا؟!

 نرسم "ملاييننا" في دفتر الرسمِ

وننطر ليالي... ولا تخضّر أيادينا !

حنا ختمنا الفقر في ختمه الرسمي

حتى مع " السحْب" ما تطلع أسامينا !