زحمه في زحمه وزحمه والأوادم واقفينوالحراره تزيد تطبخ في مواترنا تفور! واحنا في وسْط "الغزالي" واقفين وصابرينالله يا هذا "الغزالي" كالقفص حابس طيور!واحدْ ايْبسْمل يحوقل يدْعي رب العالمينوواحد يخزني وينفخ چن أنا مسكِّر له دور!!وواحد ينزّل ويرفع جامته حينٍ وحينمن الغضب مو حاس نفسه چنّه مدفع يب يثور!وواحد الهِرْنات عنده مثل ورد الياسمينيعني الهرنات هذي كود بتسوي عبور!وواحد يحورف يلفلف في اليسار وفي اليمينحاذف الغتره ويشتم من بنى هذي الجسوروواحد يأشّر لي بيده... عيب يابن المسلمينخرَّب صيامه ونا اللي چنّي ما شفته... وصبوروواحد الي صج كاسر خاطري... ذاك المتينبالعرَق ينضح ويمسح ... چنّه غاطس في بحورمن وراي وبالمناظر شفت هالزند السمينمنحشر في "جيب" چنّه مثل مركب ما يدوروبالأخير وشنو يطلع... ذا أخو من الوافديندون ليسن ولا رخصه وطالب شهود وحضور!الله يا هذا " الغزالي" بالسنع منته أمينماكو أي " خانة امان" وحتى " دورية مرور"!!!انحشرنا وانتلفنا هذا واحنا الصايمينيا وزير الداخلية... شلون من بعد الفطور ؟؟؟؟!!!
أخر كلام
درايش : زحمة في زحمة وزحمة صايره في كل مكان
22-06-2016