"نمى إلى علمي"... حجي وآمنت باللي أسْمَعَه إن البلد بيبانها على الجهات امْشرّعهوإن الخطر تحت الجمر والكل خايف يرْفَعهوإن التواير ما مشَت لأن الزوايا مربّعهمحّد يصلّح حالها ما دام ماله منفعهوإن الحلول إمْكَوِّده وأصل المشاكل أربعه:في المحْتسِب والمحتجب والشعب واللي شبَّعَه!ولأن الحيا صاير مثِل قطعة ثياب امْرقّعهما نستحي لو ننفضح ولو ننفضح ما ننزعه!وبعض الضماير أصبحت امْلّونه... وامْبقّعهوسمعت: كل واحد يجي له شلّه لازم تتْبَعهوإن المناصب للذي يكون لازم إمّعَهطرطور وأوراقه تُمُر جدّام عينه موقّعَه!وكل ما فرَش سُفره وأكل الشلّه هَم تاكل معَهالجوع لاعب في البلد جِن الضلوع امْشلَعه!هذا واحنا في نِعَم بيبان رزق امْوسَّعهاشْلون لو هذا الشعَب الدهر مرّه جوَّعه؟!أظنّ ناكل بعْضنا والدم بعَد... نتْجرّعه!لأن الكرامه أصبحت مثل الشهامه امْضعْضَعه "بلفورنا" باق البلد وأقفى... برحله ممْتعه"مؤسسه" و"تأمينها" صفّر... ومحّد رجّعهو"متقاعد" افلوسه اختفت وطول السنين انْدفّعهوين "المجالس" والصحف وأهل الحچي والصرقعه؟!حتى المُعارض ما نطَق لأن القبيله تمْنعَه!لو أشّر بلحظة غضب تزعل وتقْطَع إصْبَعه!خلّى الحرامي و بوقْتَه وماسك أطراف البرْدَعَه!ماكو سوى "الراشد" "فهد" إللّي تعنّى واتْبَعَهبروحه... ولا اسْتاحَش أبد هذا الرجل... ما أروعه قالوا لي: ضرسك لا رقَل مو صح لازم تشْلَعَه؟؟قلت: إيه، قالوا لي: غلَط اصبر وعند الله السِعَهبس احنا من دون البشر المخْطي محّد يقلعَهبالعكس... ثابت، لا... بعَد كل ماله عمّه يرفَعَه!قلت: ومنو بهذا أمَر؟ قالوا لي: منهو اللي امْنَعَه؟!وقالوا لي: اش لك بالحچي إن كان مالك منْفَعَه؟!في الدار يا كثر الغلَط ما شفْنا واحد يجْمَعَه!عمرك سمعت اللي سرَق تلّوه ما شي انْفَعَه؟!وإلاّ بـ إيدين المرتشي لصوت الكلبْچه قرْقَعَه؟!ونمى إلى علْمي الخبر: هـ الدار هذي مزرعه!!
أخر كلام
درايش : «نمى إلى علمي» (1) (التأمينات!)
30-09-2015