درايش: ودّوني علاج للخارج

قلبي يدق دقّات والله غريبه!

مرّه على "الصامت"... ومرّه يدق دَق!

ما هي على وصْل انْقطع من حبيبه

أو جيبْ من عقب السُفر... رَد منشق

أو من حراره... والحراره عجيبه

أوَّل نزولي الطايره... خافقي خَق

چذّاب من يمدح هوانا... "يـ طِيبه"

وچذّاب من يشتاق للحَر... والبَق!

ياما حمَل قلبي القصايد "مصيبه"

ومرّت ثلاث عقودْ... ما واحدٍ رَق

واليوم في "الصحّه" الوزاره الحبيبه

في عهْد منهو شَق كل "النُظُم" شَق

هذا "العبيدي" وعاش منهو صحيبه

باچر يسفّرني... ولو ما معي حَق