درايش: خذني اليمن...

يا حادي الشوق خذني لليمن مرسال

قد طار فيني الوَلَه، قلبي انشلع طيره

خذني اليمن... والسما لو قصف لو إشكال

أحوم فوق الجبل والحب والغيره

بين الخرايب أرى ظبي اليمن ما زال

وإن كان مذعور بـ امْسَح في النظر حِيره

لو السحب دمعته، لو النجوم أنبال

الحبل ما ينقطع، مالي أبد غيره

هذا البسيط الفقير الواضح الأحوال

هذا اليتيم بشوارع ما لها سِيره

باني منازل فخَر للعز عِلْو جبال

وما قال عطشان... لو كلٍّ دفَن بيره

: ما احتاج منكم ذهب وإلا خزاين مال

أحتاج كِسْرة أمل تبني لي الديره

الذنب للي طغى وبعض الزلل قتّال

وإلا اليمن موسمه ما ينقطع خيره

والليل مهما نزل وإلا ثقَل أو طال

الفجر شرق الجبل ساعي بتغييره

يا حادي الشوق في الوادي صدى موّال:

من والي العرش... ننطر حسن تدبيره