كل شي مولّع نارْ... نارٍ على نار من يوم زادوا في المحطّات "بنزين" ما حسّبوا بعدين لا صار ما صار ولا خطَر في بالهم حال مسكين هذي الزياده تمس كل شي في الدار أكلك وشِربك ملبسك... صار ضُعفين للماجله تفوِّل بـ خمسين دينار اليوم تدفع حول ميّه وعشرين! "خضره" دبَلْ...والذبح في كف "جزّار" و"المصبغه" تجويك... و"السوق" سكّين! وشْـ دخّل "الخيّاط"... غلاّ بالأمتار؟! يقول حالي حال كل الدكاكين وحتّى ترى "الحلاّق"... دوبل بالأسعار لو صلعتك غطّت من الراس ثلثين! ما بين "راجو" ضِعْت وأعذار "كومار" يقول سعر الموس زادوه مرْتين! كل شي مولّع صار... في سوقنا طار ولا رقيبْ يسن فيه القوانين كلْها تصب بعدين بجيوب تجّار لا تغني الدوله ولا تسكّر الدين جِن "الربع" ويّا المواطن لهم ثار خصوصْ لا شافوا معه يوم فلسين!!
أخر كلام
كل شي زاد... بزيادة البنزين!
26-09-2016