أنا هذا أنا

أرد للسالفه مره... ورا مره... ورا مره

ولاني تايبٍ منها ولاني مغيّر أفكاري

كبير و كلمتك عدْله ولو كانت معي مُرّه

ولك تقدير في نفسي ولو ما كنت به داري

أنا عم النجوم اللي مع أردى نجم "درّه"

ونا خال الجدي في الكون لو تظلم علي داري

كواكب دايره حولي عسى يكفيك من شرّه

عساكر لحظة اللحظة تذب الروح وتداري

ونا الحر الذي طبعه اذا له روح محترّه

يروح يفجّر الدنيا ولا يلبق مع الذاري

أنا هذا "الأنا" تدري... وعندي روح مسترّه

أنا ما بقت في الدنيا ولا مكسور بأعذاري

أنا طير الفخر طاير ولي جنحان مغترّه

ولا أنظر لمن يحفر اذا جابوا لي الطاري

وأنا لسلطان ميراثه بياض يشابه اغتّره

وهذا الكنز في الدنيا حسابي الواضح الجاري

واذا في ناس من حولك تتل الخيط وتجرّه

أمانه وقّف القصّه... ولا تجامل ولا تداري!