درايش : حبات الوهم··

مد الفكر في دنيتك

حاول توسِّع نظرتك

شوف الفضا مفتوح لى آخر مدى

لو تسرج أوهام الخيال الجامحه··· ما تلحقه

ويضيع كل ركضك “سدى”!

انته الحقيقه الثابته في ها الفضا

ووهمك وأفكارك صدى

ومنهو اللي يمسك ها الصدى؟!

حرِّك ستاير باليه في غرفتك

شوف الضوا··

الفجر أول ما بدا··

أرسل نسايم بارده

وأحلام بلَّلها الندى·· في غرفتك

كبِّر زوايا نظرتك··

وتْشوف حبّات الوهم متبعثره

بالخوف تترس غرفتك

إرسم بلوح الليل·· شمسٍ أو قمر

أو اسرقْ ألوان “القزح”

لوِّن على ما تشتهي··

الليل في الدنيا هوى، أو بيت لأحلام البشر

ليلك عباية حقد، في قلب الكهف

شوف النخل مليان بعثوق الفرح

وانته تبرّي صرت - لرماحك - سعف!

···

مِدّ النظر··

إفتح درايش غرفتك··

يمكن ترفرف “فكرتك”.