درايش : ساعي بريد الأحلام
نشر
في 06-03-2017
آخر
تحديث 06-03-2017 | 00:19
شالمزاج اللي يألّف لك قصيدهوانت طول اليوم تحرث في رمادما تمل من الكلام اللي تعيدهومنْجلك مكسورْ في وقت الحصادمثل حيدٍ عودْ واحموله شديده وحمّلوه احمولْ في المسرى جداد قلت شفت الليل ما يوصل بريدهو نجم هذا الليل قلبه من جماد وصرت "ساعي" في مشاويرٍ بعيدهبين دارْ وحلْم.. وأتعبني المراد كيف أربط دارْ.. ما تسمع عنيده بيد حلمٍ صعبْ من طبعه العناد؟!حتى لو يدني لها ويمد إيده صدّت وطارت على صهوة جوادرحلته ( سيزيف ) في الدنيا مجيده لنّه كل ما طاح... من واديه عاد! ونا ماشي الدرب في مظماي سِيده دون غيمه وظل أو نسمة براد أكتب المعنى بلا جمله مفيده منهو قال إن الشعر مبنى وعماد! الشعر إهدِم أمل... وإقطع وريده و رِد إرسِم شمسْ في صفحة سواد الشعر ملعون.. لذّاته الوحيده:ياكل بقلبك مثل سرب الجراد يشترط يرميك في ناره الوقيده وما يفكر صاحبه شنهو استفاد وقلت في نفسي بمرّاتٍ عديده ونا صامت چِنْ في لحظة حداد: إكتِب.. إكتب.. والأمل مثل الطريدهوانت وأيامك ... طرادٍ في طراد وإذا حلمك في بلادك ما تصيدهالقصيده تصير أحياناً... ابْلاد
