هديلچ شتّت الليل وظلامه تهدّي في الدرايش يا حمامه وراچ الحابس بقلبه عباير ولا تدرين عن وجده وهيامه على الصدْفات والفتِ مكاني ونا الهايم وأرافق مستهامه! نهارچ كان بشموس وقوايل وفوق الناس... نيشان وعلامه! وليلچ صار في صحرا المعانيالرمال الناعمه بنجد وتهامه مردّچ صرت لا غابت شموسچ بنص الليل انا عش السلامه تعالي وادخلي قلبي ملاذچ انا وياك هالليله ندامىأنا مثلك نفضت أحلام ريشي رچيچٍ ما قوى ينهض عظامهأشوف الناس من حولي معادن تذوب وتختفي بنار الكرامه! وأشوف الناس من زود النحاسه يحسدونك إذا هلّت غمامه واشوف أهل السياسه والكراسي حطب دامه ملوّن فوق خامه يبيعون البلد للي يسومه ولا منهم أحد يخشى الملامه قليل اللي وفا للعش مثلچ ونادر صار من يبدي اهتمامه حمامه والجبل في الليل مظْلِم تعالي نحاول انكسّر ظلامه تعالي لي مثل فكره وذكرى ندامى ونحتسي كاس الندامه
أخر كلام
درايش : حمامة
01-05-2017