كنت بكتب رساله وانْشَغَلْت بهديل من حمامه بلَتْني في خيالي تنوح حسبي الله عليها بدّلَتْني بديلعقب حبر القصايد صرت أخيّط جروح ساجع الليل چِنّه في قطارٍ طويلوصافرات المحطّه معلنات النزوح والحدايد تصافق صوتها كالعويل ما خذتني ولا هي تاركتني أروح! يخلف الله چنّي وسط سجنٍ نزيل ونجمة الصبح راحت عن دياري طموح أسمع الصوت وأرضي خايفٍ لا تميل حيث قلبي ضعيفْ ومرتكز فوق روح شِفْت ريشٍ يلالي وما حصل لي حصيل ما كفخ في شبوكي وما رضى انه يروح! وصرت كلي غصونٍ في شجركم ثقيلواختلط لون توت ب دم أحمر يفوح***الغناوي هدايا في الزمان البخيل وساجع الدوح خَلّه كالرفيج النصوح دام قلبك وحيدٍ والرفاقا قليل الحمامه قصيده ... و بالسراير تبوح
أخر كلام
درايش : كنت بكتب رسالة
19-06-2017