درايش : البلد في إجازة!
![وضّاح](https://www.aljarida.com/uploads/authors/867_1669035166.jpg)
وأحلى غربه لمّا تشعر في رفيجك قلبه عاشقْ للسرابْ ولمّا تسأل أو تساءل ما يرتّب لك جواب. قلت له: في الصيف هذا الديره تصْفر قال: أحسن... ما نبي زحمه وعذاب. قلت له:... والشغل واقفْ في الدواير والوزاره! قال: يعني... لو فرضنا مو إجازه مْصدِّق إن الحال ماشي!! اللّه يجزيك الثواب. قلت له: و... وين الحكومه؟! قال: شنهو اللي تغيّر؟! كم حكوماتْ اتْعاقَب هذي تدخل هذي تطلع لا غدى الشر ولا طاب.قلت له: الريّس تَرَكْنا... قال: أحسن... هذا هو عين الصواب. قلت له: "المجلس" تعطّل... طوّلَتْ غيبة ربعنا وماكو في الديره نِصَاب! قال: واللّه يمكن أحسن... "الحضور" أحيانْ أسوأ من فراغات "الغياب"! واْلتِفَتْ... والطوز عالي لمّا سكّرْت الدريشه، قال: إقعدْ... لا تباليمهما سكّرت الدرايش دارنا من غير باب!!