درايش : بُوق ب «العافية»!

"نمى إلى علمي" خبر

بعض الأمور الخافيه

إن الدوا سعره دبل

وإن المرض في ال " عافيه"!

وإن الأمور الغايبه

غير الأمور الطافيه

وإن اللعب خرّب لنا

حتى النوايا الصافيه

وإن بقْت عمّك ما يهم

أمواله زود وضافيه

وإن كان عمّك دولتك

وعيونه عنّك غافيه

اهبش ولا يردك أحد

لا تقول بوقه كافيه

ب اسم "التقاعد" أسسّوا

رزق وتجاره و "مافيا"

تدبل فواتير الدوا

هذي الإيدين الدافيه

لل "خاص" ماهي للملا

ومتْقاعدين ال "عافيه"

ولكروش زقوم ابْلعت

مو للجموع الحافيه!

مخصوم ي حساب الوطن

وأرواحنا مو شافيه

ولا سمعْت بديرتي

"لا" ناهيه و لا نافيه!