درايش : الأخ الأكبر

( ويخصص مجلس الأمة بعد أيام جلسات لمناقشة الميزانيات وسيوافق عليها كلها بطريقة "الكرْوته").

هذا أخونا... نعامله بكل تقدير

لكن له أفعالٍ أبد مو "رشيده"

صرّيفْ حرّيفٍ بحرق الدنانير

وما يستمع للشور واللي يفيده

يصرف بلا تفكير وإلا محاذير

ولا يراعي وش بقى من رصيده

هوايته رش الدنانير تبذير

حتى ولو بيته صفى عل الحديده

وإذا حچينا يرد في كلمته: "خير"

والخير طيرْ وما قدرنا نصيده

وعنده عيالٍ ناطرينه طوابير

الكل منهم طامع وفاتح إيده

قرّب حساب البنك لأرقام تصفير

واهو بفرح وردي حياته سعيده!

ما من "ودايع" له ولا "حساب توفير"

وما زال حالم في الحياة الرغيده

نصارحه... ويلف ويدور ويطير

شنهو العمل... وأفكار أخونا عنيده؟!