"غودو" تأخّر لا تعذّر ولا بانوحنّا على ذاك الوعد ناطرينه بقلوبنا طالت مع الوقت أغصان وحتّت وطاحت بالفصول الحزينه يمرنا من الناس أشكال والوانو"غودو" أبد ماله مع الناس بِينه منهو؟ شنو شكله؟ مثل سمْت فرسان؟منقذ؟ بطل؟ ياتي بذمّه أمينه؟إيْعدّل المايل على كف ميزانوالا بعد مثل الذي خابرينه راحت وردّت بالمشاوير ركبان ومحّدٍ لِمَس لمعة سرابٍ ب ايدينه! و اللي تراواله من الصهد قُلبان يحلف غدير الماي شافه ب عينه! واحد يقول إن طل باجر كحيلان نذرٍ علي أذبح عجولٍ سمينه وواحد يقول الوقت في مقدمه حانشوفوا بسمانا للسحايب رطينه وواحد يقول أسمع مثل خفْق جنحان هذي مواريه وتحرّوا يجينا بعض الظما يثّر على العقل نقصان وبعض الوهَم رغبات فينا دفينه ولولا خبول الناس في كل ديوان ما صار قيمه للعقول الفطينه چذبه نصدّقها على دورالأزمانولا تعبنا من وهَم خالقينه وهذا الوهَم أخطر رفيجٍ للانسانظلّه مخيّم في سما كل مدينه ****مسرحية للكاتب صموئيل بيكيت
أخر كلام
درايش : في انتظار غودو*
25-07-2018