في بِعْد بيتك عن دوامك ترى خيرفرصه تفكّر في أمورٍ كثيره تطري عليك أفكار بأشكالها غيروتنزل على الخاطر خواطر غزيره أشياء ما تخطر على كل تفكير وأشياء كم ظنيت انها صغيره بيتك/ دوامك/ والتزامك مع الغير من كثْرها سوّت بدربك مسيره تخطر على بالك كما خفقة الطير وأحيان تهجم كالجيوش المغيره فاضي ودربك طال ما من مخاسير ومخزن خيالك ممتلي بالذخيره تبني بيوت من الشعر والتعابير وترسم مداين بالقصايد وديره وتحلم تنال بيوم حفنة دنانير وتودّع أحوال الحياة الفقيره وتحلم وزير تصير لا صار توزير وتشوف خامات "الكراسي" الوثيرهوانت بصفا ذهنك تسوق التفاكير خطّك سريع وفكرتك مستديره وتقول ما جرَّب لذيذ التصاوير إللّي دوامه عند بيته... قصيره عمرك ولا حسّيت طول المشاوير مثل العشير اللي تعوَّد عشيره لكن بتالي الدرب زحمه وتحذير يا كارهٍ هذا الزحام وسعيره راحت نياقك عن خيالك مصادير وغزلان ذهنك غرّبت مستذيره الله لا يرزق عسى قاطع السير إللّي تركنا وسْط فوضى كبيره ولا بارك الله في قليل التدابير إن كان هالمسؤول وإلا وزيره إللّي حشَرْنا في الشوارع طوابير لا حل عنده أو أحَد يستشيره
أخر كلام
درايش : فايدة الدوام البعيد!
03-10-2018