يرجّعني -ونا اللي كنت سالي- على ذاك الزمن... صوت الحمامه على سورٍ من البنيان عاليكما شي انكسر وأسمع حطامه هديل الصوت ما يرفق بحاليبلاه اللي بلاني وش علامه! يجاورني ونا من الناس ماليسوى ليلٍ يهدّد في خصامه هجرت الناس، ما بالناس غالي قليل اللي له بقلبي علامه معادن والزمن لا صار حالي(1)تِقُلّ اسيوف صنعات الشهامه؟! تذكّرته و رَد اللي مضى ليكما الممطور في وبل الغمامه يجر الثوب وازنوده تلالي وبرقٍ بالصدر يفضح ظلامه ثقيلٍ لا يخف ولا يبالي ولا يبدي على الناس اهتمامه يناظرني أنا، چنّي لحالي ولا لي درعْ يحمي من سهامه عليه من الثمر بستان حالي(2)معزَّل شايلٍ رملة تهامه وإذا الْتَفّت مع هبوب الشماليعباته، وين انا ووين السلامه! كما المرمر ومنحوت التوالي من الساقين لى آخر قوامه تذكّرت... وجرى لي ما جرى لي لحاك الله يا ذيك الحمامه ***(1) من الصدأ(2) الطعم الحلو
أخر كلام
درايش: سامرية (صوت الحمامة)
14-08-2019