جيناكُم ... (باستجوابات الچذّابين!)

آخر المشوار نحتاج لكَلَك

ومسرحيّه ونَص... لو إنّه ركيك!

واللي... لو قبل النهايات امْتَلَك

دور بالهامش يعدّونه شريك

سوق واللي ما يشاركهم هلَك

كالمزاد... صراخ واصل للسكيك

هذا "الاستجواب" لي، وهذا لك

وثالث ورابع بعد الله ايْهديك

ناور وداور مثل دور الفلك

فرصتك وإلاّ ترى راحت عليك

زحمة "استجوابات" لكنّه سلَك

بين هالزحمه "عضو" جلده سميك

دام متعوّد على چذب وكلَك

ورغم هذا الناس قالوا له: نبيك!!